108 அவசர ஊர்தி சேவையில் பணியாற்ற விருப்பமா? : திருவள்ளூரில் நாளை நேர்காணல்

திருவள்ளூரில் 108 அவசர ஊர்தி சேவைக்கு மருத்துவ உதவியாளர் மற்றும் ஓட்டுநர் பணிக்கான வேலைவாய்ப்பு முகாம் நாளை நடைபெறுகிறது.

திருவள்ளூர் டி.எஸ்.பி அலுவலக வளாகத்தில் உள்ள 108 சேவை மையத்தில் இதற்கான நேர்முகத் தேர்வு நடைபெறும் என மாவட்ட ஆட்சியர் வீர ராகவராவ் தெரிவித்துள்ளார். மருத்துவ உதவியாளர் பணிக்கு 30 வயதுக்குட்பட்ட ஆண், பெண் இருபாலரும் விண்ணப்பிக்கலாம். பி.எஸ்.சி அறிவியல் சார்ந்த பட்டப்படிப்பு முடித்தவர்கள், செவிலியர் பிரிவு படித்தவர்கள் மருத்துவ உதவியாளர் பணிக்கு விண்ணப்பிக்க தகுதியானவர்கள்.

மாற்றுத் திறனாளி பெண்களுக்கான சுய வேலைவாய்ப்புகள் குறி்த்த விளக்க நிகழ்ச்சி

மாற்றுத் திறனாளி பெண்களுக்கான சுய தொழில்வாய்ப்புகள் குறி்த்த விளக்க நிகழ்ச்சி கோவையில் வரும் 16-ஆம் தேதி நடக்க உள்ளது. கோவை யுடிஸ் ஃபோரம் (Udis Forum) என்ற அமைப்பும், கேலிபர் ட்ரஸ்ட் (Calibur Trust) என்ற அமைப்பும் இணைந்து, இந்த நிகழ்ச்சிக்கு ஏற்பாடு செய்துள்ளன. இதற்கு கட்டணம் எதுவுமில்லை.

ஆரம்பப் பள்ளிகளில் தற்காலிக ஆசிரியர் நியமனத்திற்கு உச்சநீதிமன்றம் கண்டனம்

ஆரம்பப் பள்ளிகளில் தற்காலிக ஆசிரியர்களை நியமிக்கும் முறைக்கு உச்சநீதிமன்றம் கடும் கண்டனம் தெரிவித்துள்ளது. நீதிபதிகள் பி.எஸ்.செளஹான் மற்றும் தீபக் மிஸ்ரா ஆகியோர் தற்காலிக ஆசிரியர்களின் நியமனத்திற்கு எதிர்ப்பு தெரிவித்ததோடு, கல்வி உரிமைச்சட்டம் அமல்படுத்தப்பட்ட பிறகும் இந்த நடைமுறை இருப்பது அதிர்ச்சி அளிப்பதாக கூறினர்.

மேலும் இத்தகைய நடைமுறை காரணமா

க நாட்டின் எதிர்காலத்தை கேள்விகுறியாக்க அனுமதிக்க கூடாது என்றும் தெரிவித்தனர்.கல்வி உதவியாளர்கள் நியமனம் குறித்த வழக்கு ஒன்றில் இவ்வாறு கருத்து தெரிவித்த நீதிபதிகள், கல்வி உரிமைச்சட்டம் அமலில் இருக்கும்போது தற்காலிக ஆசிரியர்கள் நியமனம் எப்படி சாத்தியமாகும் என்றும் கேள்வி எழுப்பினர்.

பிரசார் பாரதி நிறுவனத்தில் 1166 காலிப் பணிகள் 2013

இந்திய ஒலிபரப்பு கழகத்தின் கட்டுப்பாட்டில் இயங்கும் பிரசார் பாரதி நிறுவனத்தில் பல்வேறு காலிப் பணியிடங்கள் உள்ளன. இந்தப் பணிகளில் சேர்வதற்கான தேர்வை, SSC எனப்படும் மத்திய அரசுப் பணியாளர் தேர்வாணையம் நடத்துகிறது.

புரோகிராம் எக்சிகியூட்டிவ் மற்றும் டிரான்ஸ்மிஷன் எக்சிகியூட்டிவ் உள்ளிட்ட 1166 காலிப் பணியிடங்களுக்கு ஆட்கள் தேர்வு செய்யப்பட உள்ளனர். இதில் புரோகிராம் எக்சிகியூட்டிவ் பணிகளுக்கு 360 பேரும், டிரான்ஸ்மிஷன் எக்சிகியூட்டிவ் பணிக்கு 806 பேரும், டிரான்ஸ்மிஷன் எக்சிகியூட்டிவ் Production Assistant பணிக்கு 72 பேரும் தேர்வு செய்யப்பட உள்ளனர்.

தேர்வு செய்யப்படுவோர் பிரசார் பாரதி நிறுவன அலுவலங்களில் பணியில் அமர்த்தப்படுவர். கல்வித் தகுதி, எழுத்துத் தேர்வு மற்றும் நேர்காணலின் அடிப்படையில் தேர்ச்சி முடிவு செய்யப்படும். கூடுதல் விவரங்களைப் பெற www.ssconline2.com என்ற இணைய தளத்தைப் பார்க்கவும்.

இந்தத் தேர்வில் பங்கேற்கத் தேவையான அடிப்படைத் தகுதிகள்:
மத்திய ஒலிபரப்புத் துறை அமைச்சகத்தின் கட்டுப்பாட்டில் இயங்கும் பிரசார் பாரதி நிறுவனத்தில் உள்ள காலிப் பணியிடங்களுக்கான தேர்வை மத்திய பணியாளர் தேர்வாணையம் நடத்துகிறது. இந்தத் தேர்வில் பங்கேற்கத் தேவையான அடிப்படைத் தகுதிகள் குறித்து இப்போது பார்க்கலாம்.

புரோக்ராம் எக்சிகியூட்டிவ் பணிகளுக்கு, எம்.ஏ., எம்.எஸ்.சி., படிப்பை முடித்தவர்கள் விண்ணப்பிக்கலாம். மேலும் இலக்கியம், நாடகக்கலை, டிபேட்டிங் ஆக்டிவிட்டிஸ், பப்ளிகேஷன்ஸ், பாப்புலர் சயின்ஸ் ஆகிய ஏதேனும் ஒரு பிரிவில் சான்றிதழ் படிப்பையும் முடித்திருக்க வேண்டும். இது தவிர காலிப் பணியிடங்கள் அறிவிக்கப்பட்டுள்ள மண்டல மொழியறிவும் அவசியம்.

அல்லது இளநிலைப் படிப்புடன், நாடகக் கலை, இயக்கம்,

விருதுநகர் மாவட்டத்தில் வேலைவாய்ப்பு முகாம் நடைபெற உள்ளது 2013

விருதுநகர் மாவட்டத்தில் பணி நாடுநர்களுக்கு பயனளிக்கும் விதமாக, இரண்டு நாட்களுக்கு வேலைவாய்ப்பு முகாம் நடைபெற உள்ளது.

சிவகாசி அருகே தாயில்பட்டியில் உள்ள ரெங்கநாயகி வரதராஜ் பொறியியல் கல்லூரியில் இந்த வேலைவாய்ப்பு முகாம் நடைபெறுகிறது. மார்ச் 16 மற்றும் 17 ஆகிய தேதிகளில் காலை 9 மணி முதல் மாலை 5 மணி வரையிலும் முகாம் நடைபெறும்.

பாரத ஸ்டேட் வங்கி கிளைகளில் 1,500 Probationary Officers பணிகள் 2013

பாரத ஸ்டேட் வங்கி கிளைகளில் காலியாக உள்ள 1,500 Probationary Officers பணியிடங்களுக்கான விண்ணப்பங்கள் வரவேற்கப்படுகின்றன.

ஏதேனும் ஒரு பிரிவில் இளநிலைப் பட்டப் படிப்பு முடித்தவர்கள் விண்ணப்பிக்கலாம். வயது வரம்பு 21-ல் இருந்து 30-ஆக நிர்ணயம் செய்யப்பட்டுள்ளது. எழுத்துத் தேர்வு மூலமாகவே ஆட்கள் தேர்வு செய்யப்படுவர். இதற்கான விண்ணப்பத்தை www.statebankofindia.com அல்லது www.sbi.co.in என்ற இணைய தளத்தில் இருந்து பெற்றுக் கொள்ளலாம். இந்தப் பணிகளுக்கு ஆன்லைன் மூலமாக பதிவு செய்ய பிப்ரவரி 23-ம் தேதி கடைசி நாளாகும்.

விண்ணப்பக் கட்டணத்தை ஆன்லைன் மூலம் செலுத்த பிப்ரவரி 23-ம் தேதி கடைசி நாளாகவும், ஆஃப்லைன் மூலமாக செலுத்த பிப்ரவரி 28-ம் தேதி கடைசி நாளாகவும் அறிவிக்கப்பட்டுள்ளது. எழுத்துத் தேர்வு நடைபெறும் நாள் ஏப்ரல் 28-ம் தேதி ஆகும். மேலதிக விவரங்களை பெற www.sbi.co.in என்ற இணைய தளத்தில் இருந்து பெற்றுக் கொள்ளலாம்.

பாரத ஸ்டேட் வங்கி கிளைகளில் பணியிட தேர்வுக்கான விதிமுறைகள்:

ஊரக மின்வசதிக் கழகத்தில் பணி 2013

மத்திய அரசு நிறுவனமான ஊரக மின்வசதிக் கழகத்தில், உள்ள பணியிடங்களுக்கான விண்ணப்பங்கள் வரவேற்கப்படுகின்றன.

3 ஆண்டு சட்டப் படிப்பு அல்லது 5 ஆண்டு ஒருங்கிணைந்த சட்டப் படிப்பு முடித்தவர்கள், பொது மேலாளர், உதவி மேலாளர் மற்றும் துணை மேலாளர் உள்ளிட்ட பணியிடங்களுக்கு விண்ணப்பிக்கலாம். கம்பெனி செகரட்ரிஸ் ஆப் இந்தியா நிறுவனத்தில் உறுப்பினர்கள் மற்றும் CA அல்லது CWA சட்டப் படிப்பை முடித்தவர்களும் உதவி மற்றும் துணை மேலாளர் பணிக்கு விண்ணப்பிக்கலாம்.

B.E அல்லது B.Tech பட்டப் படிப்பை படித்து, MBA அல்லது PGDM அல்லது M.Tech. படித்தவர்கள், இயக்குனர் மற்றும் ஆசிரியர் பணிகளுக்கு விண்ணப்பிக்கலாம். தாழ்த்தப்பட்டோர் மற்றும் பழங்குடியினருக்கு தனிப்பட்ட ஒதுக்கீடுகள் செய்யப்பட்டுள்ளன. பொறியியல் பட்டப் படிப்பு முடித்து MBA படித்தவர்களுக்கு 2 பொது மேலாளர் பணியிடங்கள், ஒரு உதவி பொது மேலாளர் பணியிடம், ஒரு தலைமை மேலாளர் பணியிடமும் ஒதுக்கப்பட்டுள்ளன.

CA அல்லது CWA படித்தவர்களுக்கு ஒரு உதவி பொது மேலாளர் பணியிடம், ஒரு தலைமை மேலாளர் பணியிடம், ஒரு கணக்கு அலுவலர் பணியிடம் உள்ளது. மனித வள மேம்பாட்டுத் துறை அலுவலருக்கு ஒரு பணியிடம் உள்ளது. இதற்கு சட்டப் படிப்பு முடித்து, முதுநிலை பட்டம் அல்லது பட்டயம் பெற்றவர்கள் தகுதியுடையவர்கள்.

விண்ணப்பிக்கும் வழி முறைகள்:

CISF-ல் 464 தலைமை காவலர் பணியிடங்கள்

CISF எனப்படும் மத்திய தொழில்துறை பாதுகாப்புப் படையில் காலியாக உள்ள Head Constable பணியில் சேர விருப்பம் உள்ளவர்களின் விண்ணப்பங்கள் வரவேற்கப்படுகின்றன.

464 காலிப்பணியிடங்களுக்கு தேர்வு முறையில் நியமனம் நடைபெற உள்ளது. அங்கிகரிக்கப்பட்ட கல்வி நிறுவனத்தில் 10ம் வகுப்பு அல்லது 12 ஆம் வகுப்பு தேர்ச்சி பெற்றவர்கள் விண்ணப்பிக்கலாம். கடந்த ஆகஸ்ட் மாதம் 1ம் தேதி 18 முதல் 25 வயதுக்கு உட்பட்டவராக இருக்க வேண்டும். தாழ்த்தப்பட்டோர், பழங்குடியினர் பிரிவினருக்கு 5 ஆண்டுகள் வரை வயது வரம்பில் இருந்து விலக்கு அளிக்கப்படுகிறது.

இதர பிற்படுத்தப்பட்டோர், முன்னாள் ராணுவ வீரருக்கு 3 ஆண்டுகள் வயது வரம்பு தளர்த்தப்படும். ஆண் விண்ணப்பதாரர்கள் குறைந்தபட்சம் 167 புள்ளி 5 சென்டி மீட்டரும், பெண்கள் 157 சென்டி மீட்டரும், உயரம் இருக்க வேண்டியது அவசியம். சாதி மற்றும் இதர தகவல்களின் அடிப்படையில், சில தளர்வுகள் உண்டு. விண்ணப்பக் கட்டணமாக 50 ரூபாய் செலுத்த வேண்டும். மேலதிக விவரங்களை பெற, www.cisf.gov.in என்ற இணைய தளத்தை அணுகலாம்.

தேர்வு நடைபெறும் முறைகள்:

எஸ்.சி, எஸ்.டி பதவி உயர்வு மசோதா : மாநிலங்களவையில் இன்று தாக்கல்

தாழ்த்தப்பட்டோர் மற்றும் பழங்குடியினருக்கு அரசு பதவி உயர்வில் ஒதுக்கீடு அளிப்பதற்கான மசோதா, மாநிலங்களவையில் இன்று தாக்கல் செய்யப்படுகிறது. இதற்காக, அனைத்து உறுப்பினர்களும் அவைக்கு வர வேண்டுமென, காங்கிரஸ் கட்சிக்கு, கொறடா உத்தரவு பிறப்பிக்கப்பட்டுள்ளது.

எஸ்.சி., எஸ்.டி., பிரிவினருக்கு பதவி உயர்வில் ஒதுக்கீடு வழங்குவதற்கு, மத்திய அமைச்சரவை ஒப்புதல் அளித்ததை அடுத்து, இதற்கான மசோதாவை மாநிலங்களவையில் இன்று தாக்கல் செய்ய மத்திய அரசு முடிவு செய்துள்ளது. இந்த மசோதாவை  ஆய்வுக்கு எடுத்து, உடனே நிறைவேற்றப்படுமென்றும் பாராளுமன்ற விவகாரத்துறை அமைச்சர் பவன்குமார் பன்சல் தெரிவித்துள்ளார்.இன்று பகல் 12 மணி அல்லது பிற்பகல் 2 மணிக்கு இந்த மசோதா தாக்கல் செய்யப்படுகிறது.