Saudi Arabia nitakat Law ... (சவூதி அரேபியாவும் நிதாகத் சட்டமும்…)

முறையான விசா பெறுபவர்களுக்கு எந்த பிரச்னையும் இல்லை.

நிதாகத் என்ற வார்த்தை வெளிநாட்டு தொழிலாளர்கள் மத்தியில் அதிகம் உச்சரிக்கப்பட்டாலும் அது குறித்து அவர்கள் சற்றே கலக்கமும் அடைந்துள்ளனர் என்பது உண்மையே.

இந்தியாவில் மட்டுமில்லாமல் ஏனைய நாடுகளிலும் இருந்து பொருளாதாரத்தில் பின் தங்கியவர்கள் அதிகம் இடம்பெயரும் நாடாக சவூதி அரேபியா உள்ளது.

அங்கு வேலைக்கு செல்பவர்களில் பல பேர் கடைநிலை ஊழியர்களாகத் தான் செல்கின்றனர். அதுவும் அவர்களின் ஊதியம் 800 ரியால்கள் (சுமார் 12 ஆயிரம் ரூபாய்) என்ற அடிப்படையில் தான் இருக்கும்.

மாற்றுத் திறனாளி பெண்களுக்கான சுய வேலைவாய்ப்புகள் குறி்த்த விளக்க நிகழ்ச்சி

மாற்றுத் திறனாளி பெண்களுக்கான சுய தொழில்வாய்ப்புகள் குறி்த்த விளக்க நிகழ்ச்சி கோவையில் வரும் 16-ஆம் தேதி நடக்க உள்ளது. கோவை யுடிஸ் ஃபோரம் (Udis Forum) என்ற அமைப்பும், கேலிபர் ட்ரஸ்ட் (Calibur Trust) என்ற அமைப்பும் இணைந்து, இந்த நிகழ்ச்சிக்கு ஏற்பாடு செய்துள்ளன. இதற்கு கட்டணம் எதுவுமில்லை.

ஆரம்பப் பள்ளிகளில் தற்காலிக ஆசிரியர் நியமனத்திற்கு உச்சநீதிமன்றம் கண்டனம்

ஆரம்பப் பள்ளிகளில் தற்காலிக ஆசிரியர்களை நியமிக்கும் முறைக்கு உச்சநீதிமன்றம் கடும் கண்டனம் தெரிவித்துள்ளது. நீதிபதிகள் பி.எஸ்.செளஹான் மற்றும் தீபக் மிஸ்ரா ஆகியோர் தற்காலிக ஆசிரியர்களின் நியமனத்திற்கு எதிர்ப்பு தெரிவித்ததோடு, கல்வி உரிமைச்சட்டம் அமல்படுத்தப்பட்ட பிறகும் இந்த நடைமுறை இருப்பது அதிர்ச்சி அளிப்பதாக கூறினர்.

மேலும் இத்தகைய நடைமுறை காரணமா

க நாட்டின் எதிர்காலத்தை கேள்விகுறியாக்க அனுமதிக்க கூடாது என்றும் தெரிவித்தனர்.கல்வி உதவியாளர்கள் நியமனம் குறித்த வழக்கு ஒன்றில் இவ்வாறு கருத்து தெரிவித்த நீதிபதிகள், கல்வி உரிமைச்சட்டம் அமலில் இருக்கும்போது தற்காலிக ஆசிரியர்கள் நியமனம் எப்படி சாத்தியமாகும் என்றும் கேள்வி எழுப்பினர்.

புதுக்கோட்டை மாவட்டத்தில் மாணவர்களுக்கான வேலைவாய்ப்பு முகாம் நடைபெற்றது 2013 May

தொழில்நுட்ப மாணவர்களுக்கான வேலைவாய்ப்பு முகாம் புதுக்கோட்டை மாவட்டத்தில் உள்ள SSR பாலிடெக்னிக் கல்லூரியில் நடைபெற்றது. படிக்கும் போதே நல்ல ஊதியத்துடன் வேலை கிடைத்தது மகிழ்ச்சியளிப்பதாக முகாமில் பங்கேற்ற மாணவர்கள் தெரிவித்தனர்.

புதுக்கோட்டை மாவட்டம், பொன்னமராவதி அருகே உள்ள தேனிமலையில், பாலிடெக்னிக் மாணவர்களுக்கான வேலைவாய்ப்பு முகாம் நடைபெற்றது. SSR பாலிடெக்னிக் மற்றும் SJTCS Staff Solutions நிறுவனம் ஆகியவை இணைந்து இந்த முகாமிற்கு ஏற்பாடு செய்திருந்தன. பல்வேறு பகுதிகளில் இருந்து வந்திருந்த பாலிடெக்னிக் இறுதியாண்டு மாணவர்கள் சுமார் 400 பேருக்கு, இந்த முகாமில் பணி நியமன ஆணைகள் வழங்கப்பட்டன. படிப்பை முடிப்பதற்கு முன்பே வேலை வாய்ப்பைப் பெற்றுள்ளது உற்சாகம் தரும் அனுபவம் என்கின்றனர் மாணவர்கள்

இந்திய ராணுவத்தில் தொழில்நுட்பம் மற்றும் கல்விப் பிரிவில் பல்வேறு பணிகள் 2013

இந்திய ராணுவத்தில் தொழில்நுட்பம் மற்றும் கல்விப் பிரிவில் பல்வேறு காலிப் பணியிடங்கள் உள்ளன. பொறியியல் மற்றும் கலைப் பிரிவில் பட்டப் படிப்பு முடித்தவர்களிடம் இருந்து விண்ணப்பங்கள் வரவேற்கப்படுகின்றன.

சிவில், மெக்கானிக்கல், எலக்ட்ரிக்கல், எலக்ட்ரானிக்ஸ், ஆட்டோ மொபைல், கணினி, கட்டடக் கலை, உணவுத் தொழில்நுட்பம் உள்ளிட்ட பல்வேறு தொழில்நுட்பப் பிரிவுகளில் 80 காலிப் பணியிடங்கள் உள்ளன. இவற்றைத் தவிர Economics, History, Political Science, Psychology, Chemistry, Chinese, Arabic உள்ளிட்ட பட்டப் படிப்புகளை முடித்தவர்களுக்கு ராணுவத்தின் கல்விப் பிரிவில் 20 காலிப் பணியிடங்கள் உள்ளன.

பிரைஸ்ட் பல்கலைக்கழகத்தில் பேராசிரியர், இணைப் பேராசிரியர் உள்ளிட்ட பல்வேறு பணிகள் 2013

தஞ்சாவூரில் உள்ள பிரைஸ்ட் பல்கலைக்கழகத்தில் பேராசிரியர், இணைப் பேராசிரியர் நிலையில் பல்வேறு காலிப் பணியிடங்கள் உள்ளன. இதற்கான விண்ணப்பங்கள் வரவேற்கப்படுவதாக விளம்பரங்கள் கொடுக்கப்பட்டு உள்ளன.

தஞ்சாவூர், கும்பகோணம், திருச்சி, மதுரை, சென்னை, புதுச்சேரி ஆகிய இடங்களில் செயல்பட்டு வரும் பிரைஸ்ட் பல்கலைக்கழகத்தில் இயக்குநர், முதல்வர், பேராசிரியர், இணைப் பேராசிரியர் ஆகிய பணியிடங்கள் காலியாக உள்ளன.

விருதுநகர் மாவட்டத்தில் வேலைவாய்ப்பு முகாம் நடைபெற உள்ளது 2013

விருதுநகர் மாவட்டத்தில் பணி நாடுநர்களுக்கு பயனளிக்கும் விதமாக, இரண்டு நாட்களுக்கு வேலைவாய்ப்பு முகாம் நடைபெற உள்ளது.

சிவகாசி அருகே தாயில்பட்டியில் உள்ள ரெங்கநாயகி வரதராஜ் பொறியியல் கல்லூரியில் இந்த வேலைவாய்ப்பு முகாம் நடைபெறுகிறது. மார்ச் 16 மற்றும் 17 ஆகிய தேதிகளில் காலை 9 மணி முதல் மாலை 5 மணி வரையிலும் முகாம் நடைபெறும்.

பாரத ஸ்டேட் வங்கி கிளைகளில் 1,500 Probationary Officers பணிகள் 2013

பாரத ஸ்டேட் வங்கி கிளைகளில் காலியாக உள்ள 1,500 Probationary Officers பணியிடங்களுக்கான விண்ணப்பங்கள் வரவேற்கப்படுகின்றன.

ஏதேனும் ஒரு பிரிவில் இளநிலைப் பட்டப் படிப்பு முடித்தவர்கள் விண்ணப்பிக்கலாம். வயது வரம்பு 21-ல் இருந்து 30-ஆக நிர்ணயம் செய்யப்பட்டுள்ளது. எழுத்துத் தேர்வு மூலமாகவே ஆட்கள் தேர்வு செய்யப்படுவர். இதற்கான விண்ணப்பத்தை www.statebankofindia.com அல்லது www.sbi.co.in என்ற இணைய தளத்தில் இருந்து பெற்றுக் கொள்ளலாம். இந்தப் பணிகளுக்கு ஆன்லைன் மூலமாக பதிவு செய்ய பிப்ரவரி 23-ம் தேதி கடைசி நாளாகும்.

விண்ணப்பக் கட்டணத்தை ஆன்லைன் மூலம் செலுத்த பிப்ரவரி 23-ம் தேதி கடைசி நாளாகவும், ஆஃப்லைன் மூலமாக செலுத்த பிப்ரவரி 28-ம் தேதி கடைசி நாளாகவும் அறிவிக்கப்பட்டுள்ளது. எழுத்துத் தேர்வு நடைபெறும் நாள் ஏப்ரல் 28-ம் தேதி ஆகும். மேலதிக விவரங்களை பெற www.sbi.co.in என்ற இணைய தளத்தில் இருந்து பெற்றுக் கொள்ளலாம்.

பாரத ஸ்டேட் வங்கி கிளைகளில் பணியிட தேர்வுக்கான விதிமுறைகள்:

ஊரக மின்வசதிக் கழகத்தில் பணி 2013

மத்திய அரசு நிறுவனமான ஊரக மின்வசதிக் கழகத்தில், உள்ள பணியிடங்களுக்கான விண்ணப்பங்கள் வரவேற்கப்படுகின்றன.

3 ஆண்டு சட்டப் படிப்பு அல்லது 5 ஆண்டு ஒருங்கிணைந்த சட்டப் படிப்பு முடித்தவர்கள், பொது மேலாளர், உதவி மேலாளர் மற்றும் துணை மேலாளர் உள்ளிட்ட பணியிடங்களுக்கு விண்ணப்பிக்கலாம். கம்பெனி செகரட்ரிஸ் ஆப் இந்தியா நிறுவனத்தில் உறுப்பினர்கள் மற்றும் CA அல்லது CWA சட்டப் படிப்பை முடித்தவர்களும் உதவி மற்றும் துணை மேலாளர் பணிக்கு விண்ணப்பிக்கலாம்.

B.E அல்லது B.Tech பட்டப் படிப்பை படித்து, MBA அல்லது PGDM அல்லது M.Tech. படித்தவர்கள், இயக்குனர் மற்றும் ஆசிரியர் பணிகளுக்கு விண்ணப்பிக்கலாம். தாழ்த்தப்பட்டோர் மற்றும் பழங்குடியினருக்கு தனிப்பட்ட ஒதுக்கீடுகள் செய்யப்பட்டுள்ளன. பொறியியல் பட்டப் படிப்பு முடித்து MBA படித்தவர்களுக்கு 2 பொது மேலாளர் பணியிடங்கள், ஒரு உதவி பொது மேலாளர் பணியிடம், ஒரு தலைமை மேலாளர் பணியிடமும் ஒதுக்கப்பட்டுள்ளன.

CA அல்லது CWA படித்தவர்களுக்கு ஒரு உதவி பொது மேலாளர் பணியிடம், ஒரு தலைமை மேலாளர் பணியிடம், ஒரு கணக்கு அலுவலர் பணியிடம் உள்ளது. மனித வள மேம்பாட்டுத் துறை அலுவலருக்கு ஒரு பணியிடம் உள்ளது. இதற்கு சட்டப் படிப்பு முடித்து, முதுநிலை பட்டம் அல்லது பட்டயம் பெற்றவர்கள் தகுதியுடையவர்கள்.

விண்ணப்பிக்கும் வழி முறைகள்:

CISF-ல் 464 தலைமை காவலர் பணியிடங்கள்

CISF எனப்படும் மத்திய தொழில்துறை பாதுகாப்புப் படையில் காலியாக உள்ள Head Constable பணியில் சேர விருப்பம் உள்ளவர்களின் விண்ணப்பங்கள் வரவேற்கப்படுகின்றன.

464 காலிப்பணியிடங்களுக்கு தேர்வு முறையில் நியமனம் நடைபெற உள்ளது. அங்கிகரிக்கப்பட்ட கல்வி நிறுவனத்தில் 10ம் வகுப்பு அல்லது 12 ஆம் வகுப்பு தேர்ச்சி பெற்றவர்கள் விண்ணப்பிக்கலாம். கடந்த ஆகஸ்ட் மாதம் 1ம் தேதி 18 முதல் 25 வயதுக்கு உட்பட்டவராக இருக்க வேண்டும். தாழ்த்தப்பட்டோர், பழங்குடியினர் பிரிவினருக்கு 5 ஆண்டுகள் வரை வயது வரம்பில் இருந்து விலக்கு அளிக்கப்படுகிறது.

இதர பிற்படுத்தப்பட்டோர், முன்னாள் ராணுவ வீரருக்கு 3 ஆண்டுகள் வயது வரம்பு தளர்த்தப்படும். ஆண் விண்ணப்பதாரர்கள் குறைந்தபட்சம் 167 புள்ளி 5 சென்டி மீட்டரும், பெண்கள் 157 சென்டி மீட்டரும், உயரம் இருக்க வேண்டியது அவசியம். சாதி மற்றும் இதர தகவல்களின் அடிப்படையில், சில தளர்வுகள் உண்டு. விண்ணப்பக் கட்டணமாக 50 ரூபாய் செலுத்த வேண்டும். மேலதிக விவரங்களை பெற, www.cisf.gov.in என்ற இணைய தளத்தை அணுகலாம்.

தேர்வு நடைபெறும் முறைகள்: